WASHINGTON, MERKA, AFP.- Merka lo adoptá sanshonnan nobo kontra Rusia, den kordinashon ku Union Europeo i G7, manera prohibishon di tur invershon nobo den e pais, segun indikashon di un fuente.
E medidanan aki lo inkluí “mas sanshon kontra institushonnan finansiero i empresanan públiko na Rusia i tambe sanshonnan kontra funshonarionan di gobièrnu ruso i nan famianan”, segun indikashon di e fuente na AFP.
E informante a sigurá ku e desishonnan aki, kual ta suma un serie di medida ku a tuma desde komienso di e invashon di Rusia na Ukrania riba 24 di febrüari lo “kousa dañonan ekonómiko inmediato i grave”.
Union Europeo tin intenshon di reforsá sanshonnan kontra Rusia. Komishon Europeo a proponé pa stòp di kumpra karbon di Rusia i prohibí barkunan ruso den tur haf europeo.
