LA HABANA, CUBA, AFP.- E konsulado di Merka na La Habana a reanudá su servisionan di visa di inmigrantenan kubano, sinku aña despues ku el a keda será debí na atakenan sóniko misterioso kontra e personal diplomátiko.
E reapertura a keda anunsiá meimei di un salida rèkòrt di migrantenan, miéntras ku Cuba ta sufriendo di e krísis ekonómiko di mas pió den 30 aña.
E kubanonan a selebrá e fasilidat di akseso nobo. Desde 2017 nan mester a biaha pa un terser pais, manera Guyana den Suramérika pa presentá nan petishon di visa.
E embahada di Merka a bisa siman pasá ku ke “garantisá un migrashon safe, legal i strukturá di kubanonan dor di ekspandé e operashonnan konsular di La Habana i reanudashon di e proseso di visa di inmigrantenan.
Lo no reanudá e visanan di turista por lo pronto.
Desde ku Joe Biden a remplasá Trump komo presidente na 2021, vários reunion di nivel haltu a purba haña un solushon pa e stankamentu migratorio.
Un spesialista na Cuba a señalá ku e kombersashonnan ta limitá na temanan di migrashon.
