BAGHDAD, AP.- E promé minister interino di Iral, Adel Abdul-Mahdi, a pidi Washington pa kuminsá elaborá un plan pa retirá su forsanan militar, pero Departamento di Estado a rechasá e pedido i a bisa ku ámbos pari mester “renobá” nan kompromiso.

Diferente manifestante a kongregá den e kapital i na sùit di Irak pa eksihí retiro di e forsanan tantu merikano komo esnan iraní. E dos paisnan aliado di Baghdad a konfrontá otro den diferente atake riba e teritorio irakí.

E pedido di Abdul-Mahdi ta e refleho di su determinashon pa sigui eksihí retiro di forsanan merikano, impulsá pa un atake ku a mata e general iraní Qassem Soleimani. El a kombersá ku e sekretario di Estado merikano Mike Pompeo den un yamada telefóniko, i a bisa ku e atakenan merikano ta inaseptabel pa e soberania irakí i e pais su akuerdo di seguridat.

Abdul-Mahdi a pidi Pompeo pa e “manda su delegadonan Irak pa kumpli ku e resolushon parlamentario pa retirá  e trupanan merikano di Irak”, segun señalashon di e komunikado.

“E promé minister a bisa ku e forsanan merikano a drenta Irak i ku e pais tin diferente drone ta operando sin pèrmit di outoridat irakí, i esaki ta un violashon entre e paisnan su akuerdo bilateral”, segun e nota.

E Departamento di Estado a rechasá e pedido. Segun indikashon, e presensia di e forsanan merikano ta krusial pa lucha kontra Estado Islámiko i ku lo no diskutí tokante e retiro aki.

LAGA UN KOMENTARIO

Please enter your comment!
Please enter your name here