CIUDAD JUAREZ, Mezico (AFP).- Agentenan norteamerikano ayera a pega prikkerldraad na e krusenan di frontera entre e siudat mexicano Juarez (nort) ku Merka i a realisá ehersisionan di seguridat promé ku e instalashon presidensial di Donald Trump djaluna awor.

E grupo di personanan uniformá di Ofisina di Duana i Protekshon di Frontera (CBP) a konsentrá na e brùg internashonal Paso del Norte/Santa Fe, ku ta komuniká ku El Paso, Texas.

E krusamentu di vehíkulonan na e frontera aki a wòrdu pará pa 40 minüt, miéntras ku funshonarionan tabata koloká blòkinan di betòn i prikkeldraad.

Ciudad Juarez ta un dje prinsipal portanan di entrada pa Merka di parti di migrantenan ku ta hui di pobresa ,violensia òf instabilidat polítiko den nan paisnan.

Segun e ofisina CBP den El Paso, e ehersisionan aki a start for di 2019 i tin komo meta pa agentenan ta prepará pa den kaso di un insidente ku ta rekerí reakshon dirèkt”.

Pero segun komersiantenan dje zona, e maniobranan a multipliká segun e dia di inisio dje gobièrnu di Trump ta serká, Ta konosí ku Trump a menasá ku deportashon masal di migrantenan indokumentá.

 

LAGA UN KOMENTARIO

Please enter your comment!
Please enter your name here