WASHINGTON, MERKA, AFP.- Merka lo restringí entrada di algun funshonario chines ku ta un menasa pa outonomia di Hong Kong, segun indikashon di e sekretario di Estado, Mike Pompeo.

E hefe di diplomasia merikano a informá den un komunikado ku lo restringí visa pa e funshonarionan chines responsabel pa “reprimí libertat den Hong Kong”.

Ademas, Pompeo ta akusá Beijing di violá e kompromisonan akordá temporada ku e teritorio kolonial britániko a kuminsá forma parti di China. Famia di e funshonarionan designá tambe lo wòrdu afektá pa e restrikshonnan, segun e komunikado.

China kier aprobá un lei di seguridat ku ta reforsá tur kastigu relashoná ku aktividatnan konsiderá komo supversivo, desde ku e teritorio a registrá diferente manifestashon kontra Beijing aña pasá. ayera senado di Merka a aprobá e lei ku ta kastigá funshonarionan chines ku debilitá outonomia di Hong Kong.

 

LAGA UN KOMENTARIO

Please enter your comment!
Please enter your name here