…Cristina Fernandez de Kirchner,èeks-presidente argentino kontra ken awor tin prohibishon pa e drenta Merka…
WASHINGTON (AFP).- Merka a sanshoná e èks-presidente argentino, Cristina Fernandez de Kirchner, pa “korupshon” i a prohibi’é entrada den e pais, segun e hefe di diplomasia norteamerikano, Marco Rubio.
Den un komunikado Rubio a akusá Kircher, e gran rival dje presidente argentino, e ultraliberal Javier Milei i e èks-minister di Planifikashon Julio Miguel de Video di “partispashon den korupshon signifikativo durante su tempu na e funshon”. Komo konsekuensa e i su famianan mas serka awor ta keda prohibí pa subi teritorio nortamerikano.
“Nan a abusá di nan posishon ora ku a benefisiá nan mes finansieramente den vários skema di soborno relashoná ku kontraktnan di obranan públiko, resultado den miones di dòler hòrtá for di gobièrnu argentino”, segun Rubio a bisa.
Milei, na kende e presidente norteamerikano Donald Trump a referi komo “amigu”, a kompartí e komunikado riba ret sosial X.
Rubio ta un dje senadornan republikano ku a pidi añanan di sanshon kontra di Kirchner, kende el a yega di kalifiká komo “kleptokrata konvikto” den un karta dirigí na e èks-presidente demokrat Joe Biden.
“El a hòrta míles di miones di estado i a permití pa aktornan maligno manera Iran i China profundisá nan influensia korupto” den Argentina, segun Rubio a skirbi den 2023.
