HOUSTON, MERKA, AFP.- Merka a duna òrdu pa sera e konsulado chines na Houston, kual e pais ta akusá di ta “kurason” di e ret di spionahe. E desishon a wòrdu anunsiá meimei di tenshon kresiente entre Merka i China.
Beijing a anunsiá e medida djárason, konsiderando esaki komo un “provokashon”, i ta deteriorá e relashon entre e dos paisnan, den desakuerdo pa e lei di seguridat ku China a dekretá na Hong Kong i tambe pa e situashon di minoria uyghur na nortost di China.
A sera e konsulado pa “protehá propiedat intelektual di Merka i informashon privá di e merikanonan”, asina Washington a splika sin duna mas detaye.
E bosero di departamento di Estado, Morgan Ortagus a bisa ku e gobièrnu komunista a yega di “spioná masivamente” den Merka i a interferí ku Merka su polítika interior. Ademas e pais a pone preshon riba funshonarionan ekonómiko i a menasá merikanonan ku ta biba na China”.
