SANTO DOMINGO (AFP).- Embahador norteamerikano na Rep. Dominicana a anunsiá e siere di su ofisina di agensia antidroga DEA den e pais karibense pa motibu di sospecho di korupshon. DEA a mantené te ku awor, un relashon estrecho ku outoridatnan dominikano. E embahador Leah Campos no a splika presis kiko a hiba na e desishon ei.
“No tin espasio pa korupshon den gobièrnu di Merka ni ningun otro”, segun Campos a bisa de komunikado. “Ta un violashon repugnante i deshonrá di konfiansa públiko pa usa e kargo ofisial pa benefisio propio”, el a agregá. “Lo mi no tolerá ni sikiera a persepshon di korupshon den ningun embahada ku ami ta dirigí”.
E kansiyer Roberto Alvarez a skibi riba X di a papia ku e embahador i a inform’é ku “e motibu dje serie ta debí na un investigashon interno di su embahada. “Di ningun manera e tin relashon ku e gobièrnu òf funshonarionan dominikano”.
E anunsio a yega un siman despues di bishita na e pais, dia 4 di febrüari, dje hefe di DEA pa Karibe, Michael Miranda, kende tabatin bon palabra pa e polítika dje presidente Luis Abinader den e lucha kontra di narkotráfiko.
“Merka i Rep.Dominicana ta avansá komo aliadonan stratégiko, ku vishon kompartí i un kooperashon basá riba konfiansa, trabou den ekipo i responsabilidat komun”, segun el a bisa na e okashon ei.
