Potrèt publiká pa gobièrnu di Iran ta mustra potrèt i pertenensianan di muchanan ku a keda matá pa bombardeonan israelí na Madrasa Minab, den Iran.
WASHINGTON (AFP).- Ehérsito norteamerikano ayera a duna di konosé di a stroba ku seis barku por a sali for di hafnan iraní durante e promé 24 oranan di blokeo naval kontra dje repúblika islamita. E Mando Sentral (CENTCOM), responsabel di forsanan norteamerikano den Medio Oriente, a señalá ku mas ku 10.000 sòldá norteamerikano, mas di un dozein di barkunan di guera i desena di avionnan a partisipá de e blokeo. “Durante dje promé 24 oranan, ningun barku a logra na superá e blokeo norteamerikano i seis barku a tene kuenta ku e instrukshonnan norteamerikano pa hasi un buèlta i regresá un haf iraní den e gòlf di Oman”, segun CENTCOM den un publikashon riba X.
“E blokeo ta keda apliká di forma imparsial riba tur barku di tur nashon ku ta drenta òf sali for di hafnan i zonanan di kosta iraní, inkluso tur e hafnan iraní den gòlf di Arábigo i e gòlf di Oman”, segun a agregá.
Pero, apesar dje afirmashon di CENTOM ku ningun barku a superá e blokeo, datonan dje proveedor di informashon marítimo Kpler a mustra por lo ménos dos barku ku a sali for d hafnan iraní i a krusa e kanal di Ormuz djaluna.
Forsanan iraní de fakto a sera e kanal despues di inisio dje kampaña aéreo norteamerikano – israelí kontra dje repúblika islamita dia 28 di febrüari. Djadumingu último Merka a anunsiá su mes blokeo despues ku negosiashonnan di pas ku Iran a frakasá.
