WASHINGTON, MERKA, AFP.- Merka a anunsiá ku lo suavisá sanshonnan kontra Venezuela di forma limitá, inkluyendo esnan vinkulá ku e empresa di petroli Chevron. E intenshon di e suavisashon aki ta pa promové e diálogo entre gobièrnu di Nicolás Maduro i oposishon sostené pa Washington.
“E desishon ta vinkulá ku un akuerdo entre ámbos parti pa reanudá kombersashonnan na Siudat di México pa haña un solushon pa e krísis polítiko venezolano, segun indikashon di un funshonario merikano na periodistanan.
El a añadí ku e atministrashon di Joe Biden a tuma e medidanan aki “riba pedido di gobièrnu interino” venezolano enkabesá pa e opositor Juan Guaidó, kual mester ta konsiderá komo presidente legítimo di Venezuela, despues ku Maduro a gana su di dos mandato na 2019.
E gobièrnu di Maduro, ku lo goberná te ku 2025 den elekshonnan denunsiá komo froudulento pa vários pais, i Plataforma Unitario di Venezuela, a kuminsá ku kombersashonnan den ougùstùs den Siudat di Mexico pa pone fin na e krísis polítiko i ekonómiko agudo di e pais.
