WASHINGTON, AP. – E vuelonan komersial pa La Habana desde 10 siudat merikano a keda aprobá preliminarmente pa e gobièrnu djaweps, avansando e esfuersonan di presidente Barack Obama pa normalisá relashon ku Cuba
Ocho aerolínea lo kuminsá ofresé un total di 20 buelo diario di ida i buèlta entre La Habana i Merka den próksimo lunanan. Asina e sekretario di Transporte, Anthony Foxx a bisa, mas di 50 aña a pasá desde ku a realisá e último buelo komersial di Merka pa e pais komunista.
E siudatnan merikano ta: “Atlanta; Charlotte, North Carolina; Houston; Los Angeles; Newark; New Jersey; New York i kuater na Florida: Miami, Fort Lauderdale, Orlando i Tampa.
E aerolíneanan ta Alaska, American, Delta, Froentier, JetBlue, Southwest, Sppirit i United.
Foxx a bisa ku e desishon lo no ta final te den verano, pa duna e públiko 30 dia pa komentá riba esaki. Luna pasá, e Departamentu di Transporte a anunsiá e aprobashon di seis aerolínea merikano, ku a kuminsá ofresé buelonan na seis siudat kubano mas desde final di sèptèmber.
