BERLIN, AP.- E kansier aleman Angela Merkel a aseptá parti di e kupa di e resultado mas pió den historia di su partido durante elekshon estatal na Berlin. El a rekonosé ku e polítikanan di su gobièrnu na nivel nashonal tabata un faktor. Merkel a primintí di traha mas duru pa komprondé e preokupashonnan di pueblo, spesialmente den aspekto migratorio. Union demókrata Kristian (CDU), a risibí apénas 17,6% di votonan den e kapital aleman.
” mi ta asumí e responsabilidat komo kansier i lider di e partido”, asina Merkel a bisa den un konferensia di prensa na banda di e kandidato di su partido, Fran Henkel.
E resultado ta nifiká ku e koalishon aktual, gobernante di estado di Berlin, di kual CDU ta miembro di dje, no ta benefisiá di un mayoria den futuro. Mas probabel ta ku e kapital mester forma un koalishon tripartit entre SPD, the Greens i Die Linke.
Ounke e votashon na Berlin a wòrdu mira parsialmente komo referèndem di maneho di Merkel pa e krísis migratorio, e gobièrnu estatal no tin kòntròl riba e polítika migratorio di Alemania. Ta probabel ku e koalishon pro iskierda ku ta tuma largo, ta aseptá mas refugiado ku e gobièrnu estatal aktual.
