…Palestinonan ta kore, un di nan kargando un mucha heridá, despues ku ayera Israel a bolbe bombardiá Gaza matando kantidat grandi di hende…
EL CAIRO, Egipto (AFP).- E hefe di diplomasia di Union Europeo, Kaya Kallas, ayera a hasi un yamada pa pone fin na e reanudashon dje peleanan den Gaza.
“nos ta firmemente kontra di reanudashon dje guera di parti di Israel, un guera ku a kousa pèrdida teribel di bida den Gaza. E matansa mester para. Den un guera nobo, tur dos parti lo pèrdè”,segun Kaja Kallas a bisa na El Cairo durante di un konferensia di prensa huntu ku e minister di relashonnan eksterior egipsio, Badr Abdelatty.
“Ta bon kla ku Hamas mester liberá tur e rehennan miéntras ku Israel mester restablesé plenamente e yudansa humanitario den Gaza i reanudá e negosiashonnan”, segun el a agregá.
E ofisina di Kallas a anunsiá ayera ku e funshonario awe lo bishitá Israel i Ciosjordania palestino ku e meta pa boga pa reanudashon dirèkt dje akuerdo pa stòp ku e guera den Gaza.
“E mishon lo ta un chèns pa diskutí riba e konflikto di Gaza, rekordá e importansia di un akseso sin opstákulo i un distribushon sostené di yudansa humanitario na gran eskala den Gaza. Mas aleu un petishon pa dirèkt reanudá e aplikashon dje akuerdo pa stòp e guera i liberá e rehennan”, segun komunikado di ofisina di Kallas.
