Bishitá 50 playa den un dia i yamada pa komunidat koperá ku e inisiativa
WILLEMSTAD. – “Curaçao 4 Canadians” i Rotary Club Willemstad ta uni forsa pa rekoudá 50,000 florin pa un Parke Komunitario den Punda.
Dia 12 di òktober Mike i Stephanie di “Curaçao 4 Canadians” a asumí un reto spesial. Nan lo bishitá 50 playa di Kòrsou den un solo dia den un “speed boat”.
Pero e reto mas grandi ta pa rekoudá 50.000 florin pa realisá un parke di rekreashon pa mucha den Punda, esta un lugá sigur pa hunga.
Uní ku 50/50/50
E “fundraising” 50/50/50, organisá den kolaborashon ku Rotary Club Willemstad, ta invitá tur hende pa apoyá e inisiativa spesial aki. Kada donashon ta trese un paso mas serka e parke di rekreashon nobo na Punda.
100% di e loke a rekoudá lo bai pa e parke di rekreashon den Punda, un lugá sigur i atraktivo den kurason di Punda kaminda muchanan por hunga.
Dikon 50/50/50?
Pa Mike, e number 50 tin un nifikashon spesial. Na 1976, na edat di ocho aña, el a bin Kòrsou pa promé biaha. Eksaktamente 50 aña despues, e i su kasá Stephanie a hasi e isla nan segundo kas. Aki a bin un pregunta simpel. ‘Nos por bishitá 50 playa Di Kòrsou den un dia’? Rápidamente el a bira un idea mas grandi i e pregunta a bisa, dikon no usa e reto aki pa rekohé 50.000 florin pa muchanan di Kòrsou? I asina 50/50/50 a nase.
Ku sosten di Rotary Club Willemstad, huntu ku ‘Guide i Powerboat Caribbean,’ lo bai pa e reto ku lo tuma lugá dia 12 di òktober 2026.
Bo ta kontribuí?
Hasi bo donashon, bira un spònser i kompartí e akshon. Huntu por hasi un dia espektakular den awanan, algu ku e muchanan di Kòrsou lo disfrutá den e añanan benidero.
Informashon spesífiko pa loke ta donashon i patrosinio, bishitá website Curaçao 4 Canadians-fundraising 50/50/50, òf e-mail curacao4canadians@gmail.com o yama/app (00599 9) 5261494.
Pa donashon for di Nort Amérika i Oropa, bishitá GoFundMe- 50/50/50 fundraising, pa donashon na Kòrsou, MCB: 330 156 802 Rotary Club Willemstad, menshonando “Proyecto 505050”
