LA PAZ, AP.- E sekretario di Relashon Eksterior di México Marcelo Ebrard a bisa ku su pais a aprobá e solisitut di asilo di eks presidente boliviano, Evo Morales.

Ebrard a bisa djadumingu ku México lo ofresé Morales asilo si e pidi pa esaki, i a anunsiá djaluna ku eks presidente suramerikano a hasié. E promé presidente indígena di Bolivia a renunsiá djadumingu despues ku militarnan a pidi su renunsia despues di vários siman di manifestashon riba kaya, debí na froude durante elekshon, kual Morales a gana.

Donald Trump a bisa ku e renunsia di Evo Morales ta un momentu signifikativo pa demokrasia den e hemisferio oksidental. Trump a agregá ku Merka ta aploudí e pueblo boliviano pa eksihí libertat i forsanan militar di Bolivia pa kumpli ku nan huramentu, kual ta pa protehá Konstitushon Boliviano. Trump a bisa tambe ku e akontesimentunan na Bolivia ta manda un mensahe pa Venezuela i Nicaragua ku “demokrasia i boluntat di e pueblo semper lo prevalesé”.

LAGA UN KOMENTARIO

Please enter your comment!
Please enter your name here