MEXICO, MEXICO, AFP.- México i Merka ta evaluando e posibilidat pa habri frontera gradualmente, kual outoridat a sera pa motibu di e pandemia di COVID-19, segun indikashon di e sekretario di seguridat nashonal merikano, Alejandro Mayorkas.
Outoridat di ámbos pais lo evaluá un proposishon di México pa avansá ku un reanudashon di tráfiko no esensial na frontera, segun indikashon di kansier Marcelo Ebrard durante un konferensia di presidente mehikano Andres Manuel Lopez Obrador.
Ebrard a splika ku México kier kuminsá vakuna personanan riba 18 aña den 39 munisipio di seis estado na frontera, pa igualá e standard di vakunashon na otro banda di frontera.
E plan di vakunashon na frontera lo kontra ku 1,35 mion dósis di Johnson & Johnson kual México a haña di gobièrnu di Presidente Joe Biden.
Segun e kansier, e meta ta pa relahá e medidanan imponé pa kontené propagashon di e vírus òf suspendé esakinan manera logra e kantidat determiná di personanan vakuná. A implementá e limitashonnan na frontera riba 21 di mart 2020.
