CIUDAD DE MEXICO (AFP).- Gobièrnu di México a proponé pa hisa impuesto riba outo chines ku 50% for di e situashon aktual di 15% i 20%, esaki meimei di preshonnan di parti di Merka. E sekretaria di a ekonomia a divulgá e inisiativa ku ta dirigí na paisnan ku kua no tin akuerdonan komersial i di kua e meta ta pa protehá 19 sektor industrial stratégiko di Merka. Den kaso ku e proyekto keda aprobá, outonan lo konta ku un impuesto di 50% i piesanan di outo entre 10% pa 50%, kompará ku 0 pa 35% aktual.
Otro sektor afektá lo ta esun di ‘textil’, pa kua lo apliká 10 pa 50%, ku awor ta di 10 pa 35%. Esaki lo tin un impakto negativo pa empresanan chines ku ta bende nan produktonan via di wèpsait. E inisiativa akí a bira konosí despues ku e presidente Claudia Sheinbaum siman pasá a risibí bishita ofisial di hefe di diplomasia di Merka, Marco Rubio, ku kende el a papia riba asuntunan di seguridat, kombate di narkotráfiko i komèrsio.
