...Claudia Sheinbaum, presidente di México, ta bin ku lei kontra di eventual pensamentu di Donald Trump ku investigadornan norteamerikano sin mas por subi teritorio mehikano…
CIUDAD DE MEXICO.- Presidente mehikano Claudia Sheinbaum, a atvertí ku estranheronan ku realisá aktividatnan di spionahe sin outorisashon dje gobièrnu di México lo enfrentá sanshonnan severo i prizòn inmediato, segun un kambio di lei.
“Kualke estranhero ku realisá aktividatnan di spionahe ku no tin di aber ku leinan di seguridat nashonal, ta keda detené i lo imponé kastigu mas severo posibel”, segun e presidente a bisa.
E leinan aki a keda lansa despues ku Merka a referí na ocho banda kriminal komo teroristanan, inkluso seis di kartelnan di droga mehikano. E leinan merikano ta amplia e derechi di hustisia norteamerikano pa persiguí nan.
“Ban spera ku esaki no ta un preteksto pa intervenshon (di Merka) den México. “
Nos ta koordiná, nos ta kolaborá, pero no supordiná”, segun e presidente mehikano a bisa ayera.
E lei, pa kua gobièrnu tin e votonan nesesario, ta atvertí ku “tampoko lo permití intervenshon den investigashon i persekushon sin outoridat i kolaborashon di estado mehikano”.
Sheinbaum mas aleu a duna di konosé ku Washington mester kombatí e gruponan aki i otro gèngnan kriminal den su mes teritorio
E presidente norteamerikano Donald Trump a akusá México i Canada, ku ta su sosionan den tratado komersial T-MEC, di no ta hasi lo sufisiente pa para migrashon legal i e tráfiko di droga.
