MEXICO CITY, MEXICO, AFP.- Outoridatnan mehikano a arestá sinku persona relashoná ku un sekuestro moral di un grupo di merikano.
E kuater siudadanonan merikano, di kual dos a muri, a wòrdu sekuestrá despues ku nan a krusa frontera rumbo pa Tamaulipas djabièrnè den un mini van, aparentemente pa un sirugia estétiko.
E fiskal di Tamaulipas, Irving Barrios a bisa ku a ehekutá un òrdu di aresto pa sinku persona pa e delitonan di sekuestro i asesinato.
Ta trata di sinku hòmber ku a haña ku man mará riba kaya den siudat di Matamoros, aparentemente bandoná pa kompañeronan di e Kartel di Golfo, segun indikashon di un fuente di fiskal.
Medionan di komunikashon mehikano a publiká un komunikado di Kartel di Golfo ku ta bisa ku e grupo ta pidi diskulpa pa e insidente.
E grupo a disidí pa entrega e sekuestradónan na outoridatnan dor ku nan a aktua sin outorisashon di nan hefenan.
E embahador merikano Ken Salazar a indiká djabièrnè ku México a bisa ku e pais lo no deskansá te ora ku e kulpabelnan enfrentá hustisia
