…E aparente lider dje grupo mehikano di narkotráfiko Zetas, Oscar Omar Treviño, alias “Z-42”, kende ayera a keda entregá na Merka…
CIUDAD DE MEXICO (AFP).- Outoridatnan mehikano a anunsiá ekstradishon di 29 aparente narkotrafikante pa Merka, meimei di preshon kresiente dje gobièrnu di Donald Trump pa e pais bisiña para e kontrabanda di fentanilo.
E entrega a keda anunsiá pa e sekretaria di Seguridat Públiko i di Ministerio Públiko ku, sinembargo, no a duna nòmber di esnan ekstraditá.
Media mehikano ta sigurá ku entre esakinan ta figurá e veterano narkotrafikante Rafael Caro Quintero, kende Merka a pidi su ekstradishon pa e asesinato dje agente di DEA Enrique “Kiki” Camarena” den 1985.
Segun e vershonnan, tambe a entregá e rumannan Omar i Miguel Angel Treviño Morales, eks-lidernan dje temibel kartel Los Zetas.
Den un komunikado, outoridatnan mehikano a señalá ku e ekstradishonnan a keda solisitá pa Departamento di Hustisia di Merka.
