CIUDAD DE MEXICO.- Gobièrnu di México ayera a anunsiá di a entregá 37 miembro di organisashonnan kriminal na Merka, na momento ku tin preshon di parti di Washington pa sòldánan norteamerikano drenta teritorio mehikano pa kombatí gruponan di droga. Esaki ta e di tres entrega dje manera aki realisá di parti di México for di 2025 i, ku esei, ta yega na 92 miembro di krímen arkaisá ku nan a manda Merka.
E anunsio a tuma lugá algu mas ku un siman despues ku e presidente Claudia Sheinbaum a dialogá riba seguridat ku su kolega norteamerikano, Donald Trump.”E akshon a tuma lugá konforme e lei di seguridat nashonal i bou di mekanismonan di koperashon bilateral, ku pleno rèspèt pa soberania nashonal”, segun e Sekretario di Seguridat Públiko Federal, Omar Garcia Harfch. E funshonario a agregá ku riba petishon di Departamento di Hustisia di Merka, “a hasi e kompromiso pa no pidi kastigu di morto” pa e personanan ku keda mandá Merka.
El a agregá ku miembroann di organisashonnan kriminal a keda hibá pa Washington, New York, Pennsylvania, San Antonio i San Diego, na bordo di shete avion militar. Entre e trafikantenan entregá ta figurá Pedro Inzunza Noriego, number dos d e tempu poderoso cártel di Beltrán Leyva, eks aliadonan dje cartel di Sinaloa i kende Merka tabata buska pa “narkoterorismo”.
Den promé entrega di vários prezu realisá 2 di febrüari di 2025, México a manda 29 supuesto narkotrafikante Merka, entre nan e veterano Rafae lCaro Quintero, kende Merka tabata buska pa asesinato dje agente di DEA Enrique “Kiki” Camarena.
