MEXICO, MEXICO, AFP.- Outoridat mehikano ta investigando e robo di kuater vakuna kontra COVID-19 den un hospital públiko den e estado sentral di Morelos, segun indikashon di ehérsito djamars.
“E robo aki posiblemente tabata un akto di interes personal, di parti un integrante di e ekipo di vakunashon den hospital”, segun indikashon di e institushon den un komunikado.
E echo a sosodé den munisipio di Tlatlenango, segun indikashon di e dokumento.
Ehérsito a bisa ku e seguridat interno den hospital ta na enkargo di un empresa privá i ku e kontròl di e vakunanan ta responsabilidat di ISSSTE, un institushon di salú públiko.
Djaluna ISSSTE a anunsiá ku lo inisiá akshonnan legal pa e kaso aki.
E denunsia aki ta suma un otro kaso kaminda diferente persona a haña e vakuna sin ku esaki ta korespondé na nan, inkluyendo gerente di un hospital ku a keda sanshoná pa vakuná su mes huntu ku su famia.
E gobièrnu mehikano a kuminsá ku vakunashon di su personal médiko ku ta atendé kasonan di COVID-19 riba 24 di desèmber, ku e vakuna desaroyá pa Pfizer/BioNTech.
