CIUDAD DE MEXICO.- Ayera den oranan di atardi México a lokalisá un barku ku por lo ménos 15 migrante kubano, inkluso kuater menor di edat. For di siman pasá no tabatin informashon dje barku.
Segun medio di prensa kubano i norteamerikano, e boto a sali for di e provinsia di Pinar del Rio, na wèst di La Habana, dia 11 di ougùstùs i no tabata sa di su paradero. Prensa tabata referí na kantidat d 19 migrante.
“Nan a rekuperá e kubanonan”, e fuente a bisa. “Nan ta bai kaminda pa e Mando Naval”.
Un hòmber ku ta biba na México i kende su yunan tabata riba e barku, djaluna a bisa na e kadena Univision ku e barku tabatin muchu tiki kombustibel.
Sentenáres di kubano ta buska pa bandoná e isla den botonan chikitu, hopi biaha den mal kondishon, koriendo hopi riesgo. Hopi ta keda pèrdí òf ta keda interseptá pa wardakosta.
For di yanüari, Merka a imponé un blokeo riba suministro di kombustibel pa e isla di gobièrnu komunista, loke a hasi mas grave e krísis energétiko ku kua ya e sla tabata haña su mes konfrontá.
