MEXICO, AFP.- México a registrá e siman aki komo esun ku mas morto den henter e pandemia di COVID-19 ku un promedio di 983 kaso diario for di dia 7 di yanüari último segun e sifranan mas resien publiká ayera.
Den e último shete dianan e pais di 128 mion di habitante a akumulá 6.885, ku un máksimo históriko di 1.314 djamars.
Te u djaweps a yega e kantidat di 137.916 morto i 1.588.369 kontagio.
México ta e di kuater pais ku mas hende morto.
Despues di un periodo relativamente stabil, e kurva di mortalidat a bolbe subi na final di 2020 i a aselerá den yanüari.
Te ku djasabra pasa, e promedio semanal di morto diario mas haltu tabata di 800 entre 21 i 27 di yüni.
