LANSING, MICHIGAN, MERKA, AP.- Michigan a uni ku New York i ta prohibí benta di sigarianan elektróniko ku sabor miéntras ku funshonarionan federal di salú a investigá e kousanan di diferente enfermedat relashoná ku halamentu di rosea entre esnan ku ta usa e vaporisadornan aki.
Outoridat di Canada a informá ku tin un hóben ku ta sufri di un enfermedat relashoná ku halamentu di rosea debí na vaping, kombirtiendo esaki den e promé kaso di su tipo den e pais.
E kaso a wòrdu detektá na London, provinsia di Ontario segun e Sentro di Salú Middlesex-London.
Outoridat di Salú kanades a pidi e pueblo pa reportá tur síntoma manera tosamentu òf doló den pechu. Aparte di esaki a rekomendá dòkternan pa puntra nan pashènt si nan ta huma sigaria elektróniko.
Gobernador Gretchen Whitmer a anunsiá riba 4 di sèptèmber ku Michigan lo prohibí sigarianan elektróniko, akusando empresanan di usa sabornan dushi i anunsionan engañoso pa atraé e menornan. New York a aprobá e prohibishon djamars.
Presidente Donald Trump a proponé un prohibishon nashonal di sigarianan elektróniko ku sabor i produktonan pa vaping.
