NEW YORK, MERKA, AFP.- Microsoft ta dispuesto na paga 69 mil mion dòler pa e kompania merikano di weganan di video Activision Blizzard ku ta konta ku éksitonan manera Call òf Duty i Candy Crush i ku a keda afektá pa akusashonnan di diskriminashon i akoso seksual.
Si e transakshon keda konfirmá, e lo ta e atkisishon hasí pa e sektor i tambe esun di mas importante kumpra pa e grupo informátika, hopi mas ku Linkedln na 2016 a26.200 mion dòler.
“E atkisishon di Activision lo kontribuí na los e ambishonnan mas amplio di Microsoft den weganan di video, segun nos, e promé sektor di monetisashon di metaverso”, asina Dan Ives di e firma Wedbush a indiká.
Universo paralelo aksesibel atraves di e realidat virtual i e realidat oumentá, e metaverso a deskribí komo e futuro di Internèt pa e gigantenan di e teknologia spesialmente pa Facebook.
Hefe di Microsoft Satya Nadelia a bisa ku di su banda e anunsio ku e kompra ku e weganan di video tin un ròl determinante den e desaroyo di metaverso.
