CAMP PENDELETON, CALIFORNIA, MERKA, AP.- E departamentu di Defensa lo permití pa miembronan di ehérsito por marcha den uniformá militar den un desfile di orguyo gay pa promé biaha den historia di Merka. Asina informashonnan a informá djaweps.
E pentágono a saka un direktorio nobo pa tur nan forsa militar ku ta señalá ku lo hasi un eksepshon na su polítika, ku generalmente ta prohibí sòldatnan di marcha uniformá den desfilenan.
E eksepshon a keda hasi pa e desfile di orguyo gay ku lo keda hasi mayan na San Diego. E departamentu di Defensa a informá ku e ta hasi eksepshon debí ku e organisadónan di e desfile a invitá miembronan di forsa militar pa marcha denunifòrmietema tabata hañando atenshon nashonal.
E eksepshon ta solamente pa e desfile di e aña aki na San Diego, asina Pentágono a informá.
E organisadónan a risibí e notisia ku a keda na nan agrado.
