EL CINCHADO, GUATEMALA, AP.- Algun migrante ku a sali rumbo pa Merka ta enfrentá kontrolnan mas estrikto na Guatemala, redusiendo e posibilidat pa nan forma un “karavana” i yega Merka.
Loke ta warda nan ta un biahe ku a kambia drástikamente. E funshonarionan guatemalteko ta verifiká tur dokumento, Guardia Nashonal mehikano a wòrdu desplegá i si nan yega frontera di Merka, outoridat lo pone nan warda na México miéntras nan kaso di asilo ta wòrdu resolvé. Aparte di esaki, outoridat por forsa nan pa buska asilo den kualkier otro pais den e region.
E karavananan aki ta inkluí migrantenan ku ménos rekurso i ta mas safe kompará ku gruponan mas chikitu. E migrantenan entrevistá a bisa ku nan no tin intenshon di reuní ku otro gruponan pa forma un karavana. Nan tabata kana den grupo di 20 persona riba outopista.
Polis Nashonal a revisá dokumento di e migrantenan durante di un kontròl riba kaya, den lokalidat di Morales, serka di e kapital guatemalteko. E polisnan a wòrdu kompañá pa kuater agente di Servisio di Kontròl di Inmigrashon i Duana di Merka (ICE).
