PARIS, AP.- Desena di míles di manifestante a marcha na Paris i otro siudatnan franses kontra reformanan laboral di presidente Emmanuel Macron djaweps, un dia promé ku e dekreto wòrdu aprobá.
E protesta na nivel nashonal, respaldá pa e sindikato iskierda poderoso CGT, a pone ku e manifestantenan a Sali riba kaya den e segundo ròndu di oposishon públiko kontra kambionan largamente anunsiá. Esakinan lo duna poder na empresarionan pa loke ta ora di kontratá i retirá trahadónan.
Macron ta indiká ku e kambionan ta nesesario pa impulsá e ekonomia franses stanká i impulsá trabou.
Den vários siudat di e pais kompleto, e manifestantenan a ekspresá nan furia kontra Macron, kende su popularidat ta oumentando.
Den Paris, míles di persona a Sali riba kaya pa protestá. Segun polis, e protesta a konta ku presensia di 16.000 persona, pero e organisadónan a kalkulá ku e sifra tabata 55.000.
E protesta aki tabata pasífiko den su gran parto, pero tabatin algun pelea kòrtiku entre algun manifestante violento. Polis mester a usa gas lakrimógeno pa para nan.
