SRINAGAR, INDIA, AP.- Míles di persona, den su mayoria hóben, a keda arestá na Cachemira durante un blackout entre plataformanan di komunikashon i otro medidanan di seguridat mas di dos siman pasa pa purba kontené e malkontentu sosial despues ku a kambia e status spesial di e teritorio, segun informashon ofisial di polis i sifra di arestonan ku a tuma lugá.

Por lo ménos 2.300 persona a keda detené riba teritorio di Himalaya, segun indikashon di e sifranan. Entre e personanan arestá tin hopi manifestante antiindio manera por ehèmpel dirigentenan di Cachemira proindio, detené den prizòn i instalashonnan improvisá. E ofisialnan di polis a papia ku kondishon pa keda anónimo.

E represhon a kuminsá algu promé ku e gobièrnu nashonalista di promé minister Narendra Modi a kita e status di provinsia semi outónomo di Jammu i Cachemira. E teritorio a kombertí den unu federal.

Míles di sòldat a wòrdu desplegá den Cachemira, kual ta un di e regionnan mas militarisá na mundu. Tur komunikashon telefóniko fiho i selular a wòrdu interumpí, inkluyendo internèt broadband i kanalnan di televishon. E komunikashon a wòrdu restourá na algun sitio.

El joven cachemirí Gulam Rasool Bhat muestra heridas de bala en su cuerpo en Srinagar, Cachemira India, martes 20 de agosto de 2019. (AP Foto/Mukhtar Khan)

LAGA UN KOMENTARIO

Please enter your comment!
Please enter your name here