LOS ANGELES, USA.- Un kandela nobo di mondi a kuminsá den parti nort di Los Angeles, obligando outoridatnan pa emití míles di òrdu di evakuashon na e kosta wèst di Merka ku a keda batí durante di dos siman pa kandela enorme.
E vlamnan ta avansá sin kontròl den e serunan yegando lago Castaic, ampliando rápidamente riba mas di 2.000 hèktar den apénas dos ora.
E kandela a krese ku e e bientunan fuerte i seku di Santa Ana, ku ta algu normal na California den e periodo aki di aña.

Outoridatnan a emití orden di evakuashon ku ta impaktá komo19.000 persona alrededor dje liga, ku ta na kasi 60 kilometer nort di Los Angeles.
“Nos ta kla pa bai”, segun un residente kende na e momento ei tabata muha su kas for di un slang di awa.
Segun e residente, “nos tabata kana keiru ku nos animalnan rondó dje seru i ora m’a mira na e punta mas haltu tabatin huma. “Den ménos ku sinku minüt el a bira un kolumna di huma mas grandi ku m’a mira den mi bida. Diripiente tur kos a bira skur”.
Den kareda di 2000 studiante dje region a keda evaluá for di sentronan di edukashon.
Dana Dierkes, di Bos Nashonal di Los Angeles,a deklará na televishon ku e kondishonnan di wer ta hungando un papel krusial den propagashon dje kandela nobo den zùit di California, ku ta pasando den un tempu seku aunke ta temporada di áwaseru, ku mas di ocho luna sin áwaseru na sierto parti.