LAS VEGAS, USA (AFP).- Míles di siguidó dje republikano Donald Trump ayera a reta e solo intenso di Las Vegas pa demostrá nan apoyo na Trump kende apesar di su problemanan legal ta den kampaña presidensial na Merka.

E evento ta un tèrmometer dje impakto ku e resultado dje kaso kontra dje eks presidente por tin den e resultado dje kampaña den novèmber próksimo. Esaki apesar dje echo ku un hurado a deklará Trump kulpabel di falsifikashon di registronan komersial pa evitá un  skandal seksual den e rekta final dje temporada di 2016 ku a hib’é White House.

Pero pa e simpatisantenan di Trump, kende tin tur indikashon ku lo e enfrentá Joe Biden den un revancha, e veredikto solamente por hasi e republikano mas fuerte.

“Pa ami no ta importante kiko a sali dje kaso penal, esei no ta kambia mi voto p’e”, segun Lindsay Elliott kende a bai Sunset di Las Vegas ku su famia. “Mi ta kere ku e sentensia lo yud’é, “Mi ta kere ku merikanonan ta fadá dje asuntu aki”, segun el a bisa mas aleu.

Pa 10’or di mainta, ora ku e tèrmometer tabata marka 34ºC, e fila pa drenta pa e evento tabata di kilometernan largu. E fanátikonan dje republikano, hopi di nan bistí ku e tradishonal kòrá dje partido Republikano i tononan di bandera merikano, a kuminsá yega for di mardugá.

Hopi dje simpatisadónan, manera Shat Chan (25) a asistí pa promé biaha na un akto polítiko di Trump, motivá pa e históriko sentensia hudisial di fin di mei último ku a kombirtié e kandidato presidensial den un delinkuente sentensiá.

 

LAGA UN KOMENTARIO

Please enter your comment!
Please enter your name here