BOGOTA, COLOMBIA, AFP.- Míles a bolbe protestá kontra presidente Ivan Duque djárason na Colombia, despues di kasi un luna i mei di manifestashonnan violento ku a laga desénas di morto. E negosiashon entre gobièrnu i organisashonnan di manifestantenan ta stanká.
E manifestashonnan a kuminsá kontra oumento di impuesto kual i a desaroyá den un movementu di protesta diario ku blokeonan riba kaya i konfrontashonnan violento entre sivilnan i forsa públiko.
Duque a anunsiá un plan pa reforma polis ku énfasis riba rèspèt di derechi humano, ounke organisashonnan internashonal a kuestioná e proyekto pa motibu di su alkanse limitá.
Por lo ménos 61 persona a muri desde ku e protestanan a kuminsá, segun outoridat i Defensor di Pueblo. Outoridat a reportá kasi 2.400 sivil i polis heridá den e manifestashonnan, segun un konteo di Ministerio di Defensa.
E organisashon di e manifestantenan a suspendé tur kombersashon ku a inisiá ku gobièrnu di Duque na komienso di mei.
