LA PAZ, BOLIVIA.- Den kareda di 4.000 trahadó i kampesino boliviano a marcha ayera den La Paza komo sosten na e presidente Luis Arce pa eksigí pa oposishon den Kongreso aprobá leinan ku, segun gobièrnu, lo aliviá parti di e krísis ekonómiko.
“Esaki ta un marcha pasífiko, nos ke pa Kongreso trata e proyektonan di lei ku ta di importansia nashonal”, segun e lider di Central Obrera Boliviana (COB), Juan Carlos Huarachi. Segun e sindikalista, “simplemente nos ta pidiendo e parlamentarionan pa nan traha” i “si nan no ke pasa lei, laga nan suplentenan traha i si e suplentenan no ke, nos lo sugerí pa sera parlamento”.
E trahadónan i kampesinonan a kana for di e siudat El Alto te na e plasa prinsipal di La Paz, kubriendo distansia di 10 kilometer, pa nan yega e sedenan di podernan Ehekutivo i Legislativo.
Algun manifestante a purba na drenta Kongreso usando forsa, pero den e portanan otro grupo a impedí esei.
E manifestantenan ta eksigí e bloke parlamentario legal na eks-presidente Evo Morales (MAS), eks-aliado di Arce, i na e dos partidonan di derecha i sentro, pa aprobá un desena di kréditonan internashonal na rason di 1.000 mion dollar.
E poder Ehekutivo ta argumentá ku e leinan lo yuda pa enfrentá e krísis ekonómiko na Bolivia, afektá pa eskases di dollar den e sistema finansiero i di kombustibel. Huntu, e tres bloken ta mayoria den e kongreso di dos kámara, miéntras ku otro grupo minoritario di parlamentario ta leal na presidente Arce.
Arce i Morales (2006-2019) ta enfrentá otro pa haña e kandidatura di partido di gobièrnu pa elekshon presidensial di ougùstùs 2025, ounke solamente e eks-mandatario a manifestá su intenshon pa bolbe postulá.
