Miéntras ku simpatisantenan di Maduro ke mir’e bèk na Venezuela, famianan di prezunan polítiko ta sigui den demostrashon eksigiendo libertat di e prezunan polítiko ku ainda ta será.
CARACAS (AFP).- Míles di hende ayera a bolbe marcha den Caracas pa eksigí liberashon di presidente Nicolas Maduro, kapturá un luna pasá den un entrada militar di Merka. Maduro i su kasá, Cilia Flores, a keda trasladá pa New York pa enfrentá un kaso pa trafikashon di droga.
“Venezuela tin mester di Nicolas”, segun gritu di manifestantenan, hopi di nan empleadonan públiko. Un laman di kaminda kòrá -e koló di chavismo- tabata visibel den hinter un avenida importante di Caracas, via sentro dje siudat, ku ta konsentrá e podernan públiko. Kansionnan di kampaña tabata zona via di spikernan grandi riba vehíkulonan. “Nos ta konfundí, nos ta tristu, rabiá… tin hopi emoshon den kaya”, segun José Perdomo, empleado públiko di 58 aña.
“Nos ta sigui karga speransa den kayanan i un ora pa otro nan tin ku laga nos presidente bin bèk”, segun e presidente interino Rodriguez.
