WILLEMSTAD.- Den un informe ofisial Ministerio Públiko ta informá ku durante di un kòntròl di Kuerpo Polisial Kòrsou (KPC), CURMIL i Marina Real (Koninklijke Marechaussee– Kmar) riba alkohòl djasabra anochi último 16 di novèmber, a para un militar relashoná ku sospecho di ta manehá un vehíkulo bou di influensia di alkohòl. Despues ku e militar a supla e asina yamá F riba e aparato pa midi kantidat di alkohòl, a orden’é pa koperá ku e investigashon ku a sigui bou di kua, análisis di su aliento. E militar a trata na evitá i resistí e tèst di alkohòl, pa despues ku sosten di milisia di Kòrsou, Kmar deten’é. Entretantu ya a interogá e militar. A tuma su reibeweis ulandes for di dje i a mèldu na CBR (Centraal Bureau Rijvaardigheidsbewijzen na Hulanda) ku e lo mester sigui un kurso di EMA (‘Educatieve Maatregel Alcohol en Verkeer’). Kmar lo traha un dosier di penal i lo ofres’é esaki na Ministerio Públiko. A pone Defensa Hulandes na altura di e insidente i tuma e medidanan korespondiente. Lo skòrs e militar envolví konforme e maneho rígido pa ku uso di alkohòl en espera di e proseso penal.
