WILLEMSTAD.-Warda kosta ta informa ku den trai mèrdia di djasabra 24 di febrüari, Sentro Marítimo Operashonal di Wardakosta (MOC) a risibí un notifikashon relashoná ku un posibel persona (ku a bai snòrkel) pèrdí riba laman. Ta trata di un militar hulandes. Esaki a tuma lugá na Playa Porto Marie. Inmediatamente a manda e helikòpter di Wardakosta i tambe e avion DASH pa asina inisiá ku e búskeda. Un Metal Shark tambe a bai e lokalidat pa asistí ku e búskeda i tambe miembronan di CITRO a asistí. Sambuyadónan boluntario di Kas Abou i di Porto Marie, tambe a uni na e búskeda huntu ku sambuyadónan di Marina Hulandes. Koleganan militar a buska riba tera ku bista riba laman.  Sambuyadó di Marina Hulandes a haña e kurpa sin bida serka di Playa Porto Marie i a entregá e kurpa na KPC. Forsa na famia i pas na su alma.

LAGA UN KOMENTARIO

Please enter your comment!
Please enter your name here