CARACAS, AP-. Asamblea Nashonal di Venezuela a kanselá ayera su seshon ordinario despues ku agentenan di Guardia Nashonal a stroba entrada na periodistanan i a difikultat e yegada di diputadonan i empleadonan den e edifisio.
“Ta hopi grave loke ta sosodiendo. Despues di e echonan di violensia siman pasa, ora a permití pase di personanan di gobièrnu i awe Guardia Nashonal no ta laga otronan drenta”, asina diputado opositor Stalin Gonzales a bisa na periodistanan pafó di kongreso.
E presensia di Guardia Nashonal rondó di asamblea nashonal a obligá e diputadonan di kana vários kaya pa por a drenta i prensa simplemente no a permití yega serka. Esaki no por asina el a indiká.
E echo a sosodé un dia despues ku fiskalia general a akusá koronel Bladimir Lugo ofisial di Guardia Nacional enkargo ku seguridat di kongreso di supuesto responsabilidat di un atake kontra kongresistanan ku a sosodé siman pasa.
Despues el a keda yama pa presentá dilanti di fiskalia dia 13 di yüli pa supuesto violashon di derechinan humano di diputadonan i otro siudadanonan ku a keda agredí físikamente pa e funshonario aki, di akuerdo ku fiskalia.
