LIMA, PERU, AFP.- Sentenáres di militar peruano retirá a manifestá djamars pa rechasá supuesto “froude” den elekshon presidensial di 6 di yüni na Perú.

Ounke e gobièrnu interino i opservadornan di OEA ta sigurá ku e votamentu tabata sin froude, Fujimori i su partidonan ta insistí ku tabatin froude na fabor di e iskierdista Pedro Castillo.

Violeta Bermudez, hefe di gabinete a bisa ku no tin indikashon di froude. El a agregá ku esaki ta loke opservadornan di Organisashonnan di Estadonan di Amérika (OEA) a bisa. E komishon a supervisá elekshon i a indiká ku “a realisá tur votamentu sin iregularidat”.

Keiko Fujimori, yu muhé di eks presidente enkarselá Alberto Fujimori, a denunsiá ku e elekshon ta froudulento despues ku e konteonan a revelá ku Castillo a haña mayoria voto.

A konvoká e manifestashon aki riba retnan sosial despues ku presidente peruano interino, Fransisco Sagasti a kritiká e petishon di ofisialnan ku penshun pa impedí ku ta proklamá Castillo komo ganadó den elekshon.

 

LAGA UN KOMENTARIO

Please enter your comment!
Please enter your name here