Trabou den minanan di oro na Sudan ta hopi pisá i praktikamente tur luna tin susesonan ku resultado fatal pa e trahadónan.
JARTUM, Sudan (AFP).- E balansa di víktimanan di un mina di oro ku a basha den den zùit di Sudan a subi na 82 morto i 50 herido, segun Forsa di Apoyo Rápido, ku ta un grupo paramilitar ku ta kontrolá e zona. “Ainda tin un kantidat no determiná di hende ku ta trapá. E esfuersonan di reskate ta sigui ku e loke tin pa hasi e trabou ei”, segun un fuente ku no ta outorisá pa duna informashon.
E posnan di mina di Al Zaraa, serka dje siudat di El Nahud, a kuminsá basha den otro djamars. E operashonnan di reskate a tuma lugá durante di henter anochi ku yudansa di otro trahadónan di mina, usando e mesun hèrmèntnan ku ta den uso pa por yega na oro. “Tur hende ta trahando hopi duru pa rekuperá kadavernan òf haña hendenan na bida, pero ta difísil. “Nos mester di material pisá pa por move barankanan grandi i tera”, segun a keda tresé dilanti.
For di aprel di 2023 ku e guera a kuminsá entre ehérsito sudanes i Forsanan di Apoyo Lapidó (FAR) di e paramilitarnan, e minanan di oro ta finansiá e esfuerso di guera di ámbos banda. E konflikto a kaba di destruí e ekonomia ya debil di Sudan i a laga gran parti di siudadanonan dje pais sin trabou, pushando hopi di nan den e trabou peligroso pa buska oro.
