LONDRES, GRAN BRETANIA (AFP).- E minister britániko di Inmigrashon, Robert Jenrick, a renunsiá dje funshon despues di publikashon di un proyekto  di lei kontroversial riba mandamentu di migrantenan pa Ruanda i a ekspresá “su profundo desakuerdo kue orientashon” dje gobièrnu konservador. Su renunsia ta reforsá e preshon dje ala derechista dje gobièrnu riba e promé minister Rishi Sunak, pa enduresé e pelea kontra di  inmigrashon ilegal promé ku elekshonnan di 2024,

“Ku gran tristesa m’a skibi e promé minister pa presentá mi renunsia komo minister di Inmigrashon. Mi no ta por sigui na puesto miéntras ku mi ta den un desakuerdo grandi ku e orientashon dje  polítika di goberná pa loke ta inmigrashon”, segun Jendrick a skirbi riba e ret X.

E proyekto di lei, ku lo keda presentá awe na Parlamento, lo permití pa kalifiká Ruanda di “pais ‘safe’” pa manda pa nan e migrantenan ku a yega suela britániko di forma ilegal.

LAGA UN KOMENTARIO

Please enter your comment!
Please enter your name here