CARACAS, VENEZUELA, AFP.- E minister venezolano di petroli i dirigente influyente di chavismo, Tareck El Aissami, a renunsia djaluna despues di un operashon antikorupshon ku ta impliká e empresa di petroli estatal i kolaboradónan serkano.
Siman pasá Polis Nashonal kontra Korupshon (PNCC), a anunsiá un “investigashon profundo” kaminda a desviá por lo ménos 3.000 mion dòler di pago di krudo na crypto en 2022, segun informenan di prensa.
Por lo ménos seis funshonario a keda arestá.
Segun prensa, tres di nan tin vínkulonan ku El Aissami: e visepresidente di Komersio i Suministro di Kalidat di petroli di Venezuela (PDVSA), koronel Antonio Perez Suarez; Joselit Ramirez, superintidente di Crypto di Venezuela (SUNACRIP), ku ta manehá e fondonan di e industria di petroli via crypto.
Tambe e diputado Hugbel Roa, kreadó di petro, un crypto estatal respaldá ku reservanan di krudo di e pais i e promé superintindente di SUNACRIP.
El Aissami, sanshoná pa Merka, ta un di e dirigentenan di mas poderoso di chavismo na Venezuela. E tabata visepresidente di e pais, i tambe minister di Interior i di Industria.
