HARARE, ZIMBABWE, AFP.- E minister di salú di Zimbabwe, Obadiah Moyo a wòrdu arestá djabièrnè pa un kaso di korupshon relashoná ku e provishon di material médiko pa kombatí e pandemia di Coronavirus.

E ta detené na e warda di polis di Harare i lo paresé den korte awe.

E gobièrnu no a duna komentario riba e aresto, kual a sosodé un dia despues ku e pais su partido opositor prinsipal a kritiká un suma sospechoso di 2 mion dòler pa kumpra ekiponan anti-coronavirus for di un empresa.

Oposishon a kritiká e echo ku Harare a duna un kompania, Dax Consult SAGL, di solamente dos luna bieu un kontrakt pa proveé un balor di 20 mion dòler na remedi, ekipo personal i tèst di COVID-19.

E akuerdo a wòrdu firmá sin konsentimentu legal di e entidat ku ta registrá e tipo di pedidonan aki na Zimbabwe.

Medionan lokal a reportá siman pasa ku a arestá e representante di Drax, empresario Delish Nguwaya, en konekshon ku e kaso. Gobièrnu a duna òrdu pa kanselá suministro di tur remedi di Drax, segun indikashon di un korant estatal.

LAGA UN KOMENTARIO

Please enter your comment!
Please enter your name here