PRETORIA, SURAFRIKA, AFP.- Minister di Salú surafrikano, Zweli Khize, a haña un ‘lisensia spesial’ djamars di presidente Cyril Ramaphosa meimei di investigashonnan di korupshon relashoná ku kontraktnan públiko pa kombatí COVID-19.

“Presidente Cyril Ramaphosa a manda un lisensia spesial pa e minister di salú, Zweli Mkhize”, segun indikashon di un komunikado di presidente. E periodo di lisensia ta duna e minister tempu pa prepará su kaso kontra akusashonnan i investigashonnan relashoná ku kontraktnan entre ministerio di salú i un proveedor di servisio, Digital Vibes.

Medionan surafrikano a informá na fin di mei ku e bosero di Mkhize, Tahera Mather i su eks asistente personal, Naadhira Mitha a haña míles di pagonan ilegal relashoná ku un kontrakt di komunikashon.

Nan a risibí plaka na nòmber di e empresa di komunikashon Digital Vibes, kontratá pa ministerio di salú pa traha den e sektor aki relashoná ku e pandemia di COVID-19 desde mart 2020, ounke nan no ta registrá komo empleado di e empresa.

 

LAGA UN KOMENTARIO

Please enter your comment!
Please enter your name here