DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
BISHITA ARUBAHUIS
Despues cu Minister Plenipotenciario mr. Mildred Schwengle a yega Hulanda, y prome cu atende RMR, riba su prome dia di trabao ela keda ricibi pa e personal di Gabinete di Aruba na entrada di e oficina. Hefe di e departamento huridico di Gabinete di Aruba mr. Shandra John a haci entrega den nomber di e personal un bouquet di flor na minister Schwengle. Despues e mandatario a cera conoci cu e resto di e personal. Nota: E potretnan ta cortesia di Gabinete di Aruba.(NoticiaCla)
