Gerensia lo apelá sentensia den korte paso sino no por kontinuá ku maneho duradero
WILLEMSTAD.-Gerensia di Curaçao Medical Center no por keda ketu mas i a disidí di duna informashon kritiko den un konferensia di prensa. Direktor di CMC Gilbert Martina a denunsia ku hospital nobo no ta logra pa kubri su gastunan prinsipalmente debí ku ministerio di Salubridat (GMN) ta keda mantene un lei ku tarifanan di aña 2000 apesar ku korte i tur komishon ta indiká ku mester ahusta e tarifanan.
Martina a splika ku hospital nobo tin un eksonerashon di Ministerio di Asuntunan Ekonómiko pa usa tarifanan nobo. Ta trata di tarifanan ku a yega na dje despues di análisis i investigashon profundo kaminda tambe a hasi komparashon di tarifa ku region i Ulanda.
E direktor a splika ku awor si ta basta pasobra tur kompania di seguro i otro instansianan ta pagando CMC konforme tarifa nobo ku ta Fl 1541,- miéntras ku gobièrnu ta pagando ketu bai e tarifa di Fl 314,-. Martina ta bisa ku nan no por komprondé kon por ta posibel ku gobièrnu ke kòrta den e loke mester paga CMC, teniendo kuenta ku sóbadje ta pagando ménos ku e tarifa nesesario i ainda gobièrnu ta pretendé di baha e suma mas tantu. Ta bolbe bai korte ku gobièrnu.
Segun Gilbert Martina; minister ta hinkando hospital den problema serio. Mas detaye den edishon di EXTRA.
