WILLEMSTAD.- No ta rekomendá pa biaha pa Venezuela. E konseho di biahe di Ministerio di Asutunan Eksterior di Hulanda ta na kòrá pa henter e pais, kuminsando awe djabièrnè 18 di yüli. For di e elekshonnan presidensial di yüli 2024, tin masha desòrdu den e pais, segun e ministerio hulandes.
Segun e ministerio, tin un riesgo grandi ku outoridatnan ta arestá i detené estranhero ku ta bishita e pais sin motibu. E arestonan ta tuma lugá riba laman tambe.
E Ministerio hulandes ta rekomendá tur hende ku pasport hulandes pa sali for di e pais si esaki por di un manera sigur. Tin alabes un atvertensia pa detenshonnan ku ta tuma lugá na frontera entre Venezuela i paisnan bisiña kaminda ku tin grupo arma ku ta aktivo den diferente zona na frontera.
