WILLEMSTAD.- djaluna 26 di ougùstùs 2019, Ministerio Públiko (OM) a instituí apelashon kontra di e veredikto di 16 di ougùstùs último den e kaso di G.J. Jamaloodin. OM no ta di akuerdo ku e eksonerashon den e kaso Passaat ni ku e kastigu di 28 aña di prizòn ku a keda imponé. OM a pidi un kastigu di 30 aña.
E eks minister di finansa Jamaloodin a keda kondena na 28 aña di prisòn pa kaso di malversashon di fondonan di supsidio di gobièrnu (kaso Germanium) i tambe kaso Maximus, kaminda hues a haña proba ku el a provoká hende pa asesiná lider polítiko di Pueblo Soberano, Helmin Wiels dia 5 mei 2013. Mas detaye den korant EXTRA.
