WILLEMSTAD.- Komo kontesta riba informe den un korant lokal tokante un suma di plaka ku a tuma den beslag durante e investigashon Avior, Ministerio Públiko (OM) ta duna e siguiente splikashon.
E reportahe ta bisa ku polis supuestamente a retené e sèn i no a debolbé esaki na e doño.
Ministerio Públiko a hasi un investigashon riba e maneho di e beslag den e investigashon Avior. A sali na kla ku e montantenan konfiská a keda depositá mesora despues di e konfiskashon den e kuenta designá pa Afpak Team di akuerdo ku prosedura.
Ministerio Públiko lo sòru pa emití un òrdu pa debolbe e sèn na e persona konserní mas lihé posibel. A Konsulta tokante di esaki kaba ku e abogado di e persona konserní.
