PORT-AU-PRINCE, HAITI, AFP.- Un misa katóliko di Haiti a kritiká gobièrnu pa motibu ku no a tuma akshon despues di sekuestro di 10 hende inkluyendo miembronan di iglesia i siudadanonan franses. E sekuestradónan ta eksihí 1 mion dòler pa liberá e víktimanan.
Haiti ta pasando dor di un krísis polítiko ya pa vários luna kaba. E sekuestronan aki a bira komun den lunanan resien den Port-au-Prince i otro provinsianan. E gobièrnu a deklará un estado di emergensia di un luna largu den mart, pa restourá outoridat den áreanan ku e gangnan aki ta kontrolá, inkluyendo e kapital.
“Outoridat públiko no ta hasiendo nada pa resolvé e krísis”. E arkidiósesis di e kapital Port-au-Prince a agregá ku violensia di gangnan arma ta oumentando demasiado den un informe.
E informe a keda publiká un dia despues ku a sekuestrá e 10 personanan na Croix-des-Bouquets, un pueblo na nortost di Port-au-Prince. E grupo ta inkluí shete katóliko miembronan di iglesia, i tambe dos siudadano franses, un pastor i un sùr.
Paris a kuminsá ku un investigashon djaluna. Ofisina Sentral di Kombate kontra Krímen Organisá (OCLCO) ta na enkargo di e kaso, kual tin hurisdikshon di krímennan kometé kontra siudadanonan franses den eksterior.
